झापा- तीनदिन देखि गृह जिल्ला झापामा रहनु भएका नेकपा एमालेका अध्यक्ष केपी शर्मा ओली आज इलामको चुलाचुलीमा हुने कार्यक्रममा सहभागी हुनुहुनेछ ।
एमाले प्रदेश नं १ कमिटीका सदस्य होमबहादुर थापाका अनुसार विहान ११ बजे इलामको चुलाचुलीमा आयोजना गरिएको कार्यक्रममा अन्य पार्टी परित्याग गरि ठूलो संख्यामा नेता कार्यकर्ता एमालेमा प्रवेश गर्दैछन् । यसका लागि उपाध्यक्ष सुवासचन्द्र नेम्वाङ पनि हिजो नै दमक पुग्नु भएको छ । एमाले प्रदेश कमिटी सदस्य ओमनारायण खनालका अनुसार कुमार लिङदेनले नेतृत्व गरेको लिम्बूवानका नेता तिलकबम फागो लगायत ठूलो संख्याका नेता कार्यकर्ताहरुलाई अध्यक्ष ओलीले एमाले प्रवेश गराउदै हुनुहुन्छ । अपरान्ह दुई बजे भद्रपुरबाट अध्यक्ष ओली काठमाडौ फर्कने कार्यक्रम छ ।