नेकपा एकीकृत समाजवादीका केन्द्रीय सदस्य डा. बालकृष्ण चापागाईं नेकपा एमालेमा फर्किनुभएको छ । एकीकृत समाजवादीका केन्द्रीय सदस्य तथा रुपन्देहीका नेता डा. बालकृष्ण चापागाईंलाई आइतबार अध्यक्ष केपी शर्मा ओलीले टीका र खादा लगाएर एमालेमा स्वागत गर्नुभएको हो ।

एमाले विभाजन हुँदा नेता माधव नेपालले गठन गरेको समाजवादीमा गएका उहाँ अर्थ तथा योजना विभागका उपप्रमुख हुनुभएको थियो । राससका पूर्व महाप्रबन्धक समेत रहेका चापागाईंले आफू पुरानै घर एमालेमा फर्किएर राजनीति गर्ने बताउनुभयो ।