श्रीलंकाले टी-२० एसिया कप क्रिकेट २०२२ को उपाधि जितेको छ । आइतबार भएको खेलमा पाकिस्तानलाई २३ रनले हराउँदै श्रीलंका विजयी भएको हो ।

दुबई अन्तर्राष्ट्रिय क्रिकेट मैदानमा श्रीलंकाले दिएको १७१ रनको लक्ष्य पछ्याएको पाकिस्तानले २० ओभर सम्पूर्ण विकेट गुमाउँदै १४७ रन बनायो ।

पाकिस्तानका लागि मोहम्द रिजवानले ५५ रनको अर्धशतकीय पारी खेले । त्यस्तै इफ्तिकर अहमदले ३२ रन बनाउँदा त्यस बाहेकका ब्याटरले दोहोरो अंकमा रन बनाउन सकेनन् ।श्रीलंकाका लागि बलिङतर्फ प्रमोद मदुसनले सर्वाधिक चार किवेट लिए । त्यस्तै वानिन्दु हर्शरंगाले तीन विकेट लिए ।

श्रीलंकाको यो छैटौं एसिया कप उपाधि हो । श्रीलंकाले सन् २०१४ पछि उपाधि जितेको थिएन ।