काठमाडौं-राप्रपा नेपालका अध्यक्ष कमल थापाले काठमाडौं महानगरपालिकाका मेयर बालेन साह र उपमेयर सुनिता डङ्गोललाई धन्यवाद दिनुभएको छ । शुक्रवार सामाजिक सञ्जालमार्फत थापाले साह र डङ्गोललाई साहसिक कामका लागि भन्दै धन्यवाद दिनुभएको हाे।

बिहीबार काठमाडौं महानगरपालिकाले हराएको टुकुचा खोला खोजेको थियो । थापाले लेखेका छन्, ‘स्याबास बालेन ! स्याबास सुनिता ! हराएको टुकुचा खोला खोज्ने अर्को राम्रो र साहसिक कामका लागि धन्यवाद सानो छँदा बागबजारदेखि पद्मोदय स्कुलसम्म टुकुचामा पौडी खेलेको रमाइलो सम्झना अझै ताजा छ।’

थापाले काठमाडौंका खोला नाला सफा स्वच्छ र कलकल बग्ने बनाउन मेयर साह र उपमेयर डङ्गोललाई शुभकामना पनि दिनुभएको छ ।