ताप्लेजुङ-नेकपा  एमालेका  सचिव तथा ताप्लेजुङ जिल्लाबाट प्रतिनिधी सभाका उम्मेदवार योगेश भट्टराईले आफूविरुद्ध भ्रामक सूचना प्रवाह नर्गन  आग्रह गर्नुभएको छ । उहाँले विज्ञप्ति जारी गर्दै आफू विरुद्ध  प्रचार गरिएका  भ्रामक सूचनाहरूको पछि नलाग्न  जिल्लावासीलाई आग्रह गर्नुभएको हो । 

ताप्लेजुङ सामाजिक, सांस्कृतिक एवं धार्मिक सहिष्णुताले भरिपूर्ण  जिल्ला रहेको र आफू प्रतिनिधिसभा सदस्य  र केही  समय मन्त्री समेत  रहँदा ताप्लेजुङका लागि  माङ्हिम तथा माङ्गेना यकहरुको  निर्माण, लिम्बु संग्राहालयको विकास, गुम्बाहरूको पूर्वाधार विकास , बहुसांस्कृतिक संग्रहलयको निर्माण ,  निसान छापको संरक्षण, भिन्तुना भवनको निर्माण ,  लगायतका सामाजिक  र सांस्कृतिक पहिचानका लागि सक्दो रकम व्यवस्थापन गरेको कुरा सबैसामु प्रस्ट रहेको भन्दै भट्टराई ले  भ्रामक सूचना  जनतामाझ नछर्न विज्ञप्ति मार्फत आग्रह गर्नुभएको छ ।

भट्टराईद्वारा जारी विज्ञप्तिमा सुकेटार विमानस्थलको सम्बन्धमा आफूले २०७८ जेष्ट १५ गते नै सामाजिक सञ्जाल फेसबुकमा आफ्नो धारणा सार्वजनिक गरी असन्तुष्टि जनाएको उल्लेख गर्नुभएको छ ।  तिम्वूङ पोखरी तिम्वूङ पोखरीनै हुने र त्यो विष्णु पोखरी हुन नसक्ने उहाँको दाबी रहेको छ । पाथीभराको विषयमा खोज अनुसन्धान र तथ्यहरूको विश्लेषणबाट त्यसको टुंगो लगाउन उपयुक्त हुने उहाँको राय छ ।

‘कुनैपनि सांस्कृतिक स्थलहरू आफ्नै ऐतिहासिकता र विशिष्टताबाट परिचित हुन्छन्,’ भट्टराईद्वारा जारी विज्ञप्तिमा उल्लेख छ, ‘कसैले पाथीभरा त कसैले मुक्कुमलुङका रूपमा सम्मान गर्छन, पाथीभरा वा मुक्कुमलुङ जुन रूपमा भएपनि त्यसको ऐतिहासिकता सांस्कृतिक महत्त्व र गरिमामा आँच आउन नदिनु समस्त ताप्लेजुङवासिको साझा कर्तव्य हो ।  तमोर कोरिडोर,मेची राजमार्गको सुकेटार-गडि-थिवा सडकलगायत अन्य धेरै पूर्वाधार विकासको सुरुवात सँगसँगै जातीय, धार्मिक र  सामाजिक  क्षेत्रको  समग्र  विकासमा आफूले  काम थालनी  गरेको र आफ्नो पार्टीका अध्यक्ष केपी शर्मा ओली प्रधानमन्त्री हुँदा महागुरुलाई राष्ट्रिय विभूति घोषणा गरी सार्वजनिक बिदा दिने निर्णय गरिएको जानकारी  गराउँदै  कसैको  भ्रामक सूचनाको  पछि  नपरी  मंसिर  ४ को प्रतिनिधिसभा तथा प्रदेश सभा  निर्वाचनमा नेकपा एकालेका  उम्मेदवारहरुलाई विजयी गराउन आग्रह गर्दछु ।’