बुटवल – नेकपा एमालेका उपाध्यक्ष तथा प्रतिनिधि सभा सदस्य विष्णु पौडेलले रुपन्देहीका सामुदायिक विद्यालयहरू देशकै उत्कृष्ट बन्दै गएको बताउनु भएको छ ।

कान्ति माध्यमिक विद्यालय बुटवलको ६९औँ वार्षिकोत्सव तथा अभिभावक दिवस २०७९ को अवसरमा बोल्दै उपाध्यक्ष पौडेलले आफ्नो शैक्षिक कार्यक्रमहरूलाई रुपन्देहीका सामुदायिक विद्यालयहरूले देशमै उत्कृष्ट नमूना प्रस्तुत गरिरहेको बताउनु भएको हो ।

उपाध्यक्ष पौडेलले यहाँका सामुदायिक विद्यालयहरूले आगामी दिनहरूमा देशको शैक्षिक गतिविधिमा नेतृत्व लिन सक्ने क्षमता विकास गर्दै लगेको समेत बताउनु भयो । रुपन्देहीमा सञ्चालित सम्पूर्ण सामुदायिक विद्यालयको भौतिक पूर्वाधार विकास, शैक्षिक विकास तथा सुधारका लागि आफ्नो तर्फबाट कुनै कसुर बाँकी नराख्ने प्रतिबद्धता पौडेलले व्यक्त गर्नुभयो ।