हेटौंडा – बागमती प्रदेशका मुख्यमन्त्री राजेन्द्रप्रसाद पाण्डेले पदबाट राजीनामा दिनुभएको छ । पाण्डेले प्रदेश प्रमुख यादवचन्द्र शर्मासमक्ष राजीनामा बुझाउनु भएको हो ।

गएको मंसिर ४ सम्मपन्‍न निर्वाचनमा उहाँ धादिङ १ बाट प्रतिनिधिसभामा निर्वाचित हुनुभएको थियो ।  बिहीबार मात्रै उहाँले प्रतिनिधिसभा सदस्यको रूपमा शपथग्रहण गर्नुभएको थियो ।

प्रतिनिधिसभा सदस्यको रूपमा सपथ लिइसकेकोले बागमती प्रदेशको मुख्यमन्त्री पदबाट राजीनामा दिएको उहाँले बताउनु भयो ।