काठमाडौं । विश्वविजेता मेसी र पोर्चुगिच स्ट्रार क्रिस्टियानो रोनाल्डो पुनः एकपटक आमनेसामने हुने भएका छन्।

हालै साउदी टोलीमा आवद्ध भएका रोनाल्डोले रियाद ११ लाई नेतृत्व गर्दै चिर प्रतिद्वन्द्वी लियोनल मेसी सम्मिलित पिएसजीसँग मैत्रीपूर्ण खेल खेलिने तय भएको हो।

यो खेल आगामी बिहीबार रियादस्थित किङ्ग फाहद स्टेडियममा नेपाली समयअनुसार राति ११ बजे सुरू हुनेछ।

अरेबियन प्रो लिग क्लब अल नासरमा आबद्ध भएयता रोनाल्डोको यो पहिलो खेल हो। उनको टोलीमा साउदी अरेबियन प्रो लिग क्लब अल नासर र अल हिलालका खेलाडीहरुको बाहुल्यता रहनेछ।

कतार विश्वकप २०२२ को समूह चरणमा साउदी अरेबियाले अर्जेन्टिनालाई २-१ गोलले हराउँदा गोल गर्ने खेलाडी सालिम अल दसारी सहित साउद अब्दुलहामी पनि टोलीमा छन् ।

साउदी अरेबियाको मनोरञ्जनका लागि जनरल अथोरिटीका अध्यक्ष टर्की अल-शेखले ट्वीटरमा एक भिडियो सेयर गर्दै खेलअघिनै रोनाल्डोलाई कप्तानको आर्मब्यान्ड लगाइदिएका छन्। एजेन्सी