काठमाडौं-भूकम्प आउँछ भन्ने हल्ला फैलिएपछि हिउँदको चिसोमा जुम्ला र मुगुमा बासिन्दा रातभर सडकमा बसेका छन् । 

जुम्ला सदरमुकाममा केही मानिसहरू घर बाहिर निस्केर आगो बालेर बसिरहेका हुन् ।

मानिसहरूले दुःख पाएपछि स्थानीय प्रशासनको आदेशमा प्रहरीले भ्रामक सूचना फैलाउने व्यक्तिको खाजी सुरु गरेको छ ।

जुम्लाको माइनस डिग्री कठ्याङ्ग्रिँदो चिसोमा मानिसहरु भूकम्प आउँदै छ भन्ने हल्लाले बाहिर बसेका हुन् । 

भूकम्प आउने कुरा भ्रामक हो भनेर कतिपयले सामाजिक सञ्जालमा सकारात्मक सन्देश पनि दिइरहेका छन् ।

भूकम्प आउँदै छ भन्नेबारे स्थानीय प्रशासनलाई समेत टेलिफोन आइरहेका छन् । 

जुम्लाका प्रमुख जिल्ला अधिकारी मुकेश कुमार केसरीले आफूलाई रातभर फोन आएर हैरान भएको बताउनुभयाे ।

उहाँले यस्तो हल्ला फैलाउने व्यक्तिलाई कारबाही गरिने बताउनुभयाे ।