काठमाडौं -आज काठमाडौँ उपत्यकासहित देशका पहाडी भेगमा मेघगर्जन र चट्याङसहित वर्षा हुने सम्भावना रहेको छ ।
मौसम पूर्वानुमान महाशाखाका अनुसार आज दिउँसो देशका पहाडी भेगका एक दुई स्थानमा मेघगर्जन र चट्याङसहित वर्षा हुने सम्भावना देखिएको हो।
‘यसमा पनि पोखरा र ताप्लेजुङ क्षेत्रमा पानी पर्ने बढी सम्भावना छ भने आज काठमाडौँ उपत्यकामा पनि हल्का वर्षा हुने सम्भावना छ ।

यस्तै आज दिउँसो देशका उच्च पहाडी तथा हिमाली भेगका एक दुई स्थानमा हल्का हिमपातको पनि सम्भावना रहेको महाशाखाले जनाएको छ ।

‘ पश्चिमी क्षेत्रमा हिमपातको सम्भावना रहेको छ ।
मौसम महाशाखाको बुलेटिनअनुसार आज राति पनि प्रदेश नं १, गण्डकी र कर्णाली प्रदेशका उच्च पहाडी तथा हिमाली क्षेत्रका एक दुई स्थानमा हल्का हिमपातको सम्भावना छ।