काठमाडौँ – नागरिक उन्मुक्ति पार्टीले अध्यक्ष एवं संसदीय दलको नेता रञ्जिता श्रेष्ठ चौधरीलाई उपराष्ट्रपतिको उम्मेदवार बनाउने निर्णय गरेको छ।

आज बिहान सिंहदरबार स्थित संसदीय दलको कार्यालयमा बसेको पार्टीको सचिवालय बैठकले सो निर्णय गरेको एक नेताले जानकारी दिनुभयो ।

सत्ता गठबन्धनको तर्फबाट भने जसपाका नेता रामशहाय यादवलाई उपराष्ट्रपतिको उम्मेदवार बनाउने भएको छ। उपराष्ट्रपतिको निर्वाचन आगामी चैत ३ गते हुँदैछ ।