काठमाडौँ-स्वतन्त्र विद्यार्थी युनियनको निर्वाचन अन्तर्गत उम्मेदवारी फिर्ता लिने समय आजका लागि निर्धारण गरिएको छ । 

त्रिभुवन विश्वविद्यालयले गत फागुन २७ गते उम्मेदवारी दर्ता गराएका उम्मेदवारहरूका लागि अपराह्न १ बजेसम्म उम्मेदवारी फिर्ता लिने समय निर्धारण गरिएको हो ।

कार्यतालिकाअनुसार आजै उम्मेदवारको अन्तिम नामावली प्रकाशन गर्ने कार्यतालिका छ ।

उम्मेदवारको नामावलीउपर दाबी विरोध गर्ने र छानबिन गरी उम्मेदवारको नामावली प्रकाशित गर्ने तालिका थियो । कार्यतालिका अनुसार चैत ५ गते बिहान ८ देखि दिउँसो ४ बजेसम्म मतदान हुनेछ ।