काठमाडौँ-इन्डियन प्रिमियर लिग (आईपीएल) मा गुजरात लायन्सले पञ्जाब किङ्सविरुद्ध ६ विकेटको सहज जित निकालेको छ । 

बिहीबार पञ्जाब क्रिकेट एसोसिएसनको मैदानमा सम्पन्न खेलमा पञ्जाबले प्रस्तुत गरेको १५४ रनको लक्ष्य गुजरातले १९.५ ओभरमा चार विकेट गुमाएर पूरा गर्यो । 

गुजरातको जितमा सुभमन गिलले ६७ रन बनाए । रिद्दिमान साहले ३०, साइ सुदर्शनले १९ र डेविड मिलरले १७ रन बनाए ।

पञ्जाबका अर्शदीप सिंह, कगिसो रबाडा, हर्प्रीत ब्रार र साम करनले समान एक विकेट लिए । 

त्यसअघि टस हारेर ब्याटिङमा आएको पञ्जाबले निर्धारित २० ओभरमा आठ विकेट गुमाएर १५३ रनको योगफल खडा गरेको थियो । 

पञ्जाबका म्याथ्यु सर्टले ३६ रन बनाए । जितेश शर्माले २५ रन बनाउँदा साम करन र मोहम्मद साहरुख खानले समान २२ रन जोडे । भानुका राजापाक्षेले २० रन बनाए ।

गुजरातका मोहित शर्माले दुई विकेट लिए । यस्तै, राशिद खान, अल्जारी जोसेफ, जस लिटल र मोहम्मद सामीले एक/एक विकेट लिए । 

जितसँगै चार खेलबाट ६ अंक जोडेको गुजरात तालिकाको तेस्रो स्थानमा उक्लिएको छ । समान खेलबाट चार अंक जोडेको पञ्जाब तालिकाको छैटौं स्थानमा छ ।-एजेन्सी