काठमाडौँ-रविन्द्र जडेजाको बलिङ र रडेभोन कनवेको ब्याटिङमा चेन्नाई सुपर किंग्सले इन्डियन प्रिमियर लिग (आईपीएल)मा शुक्रबार राति सनराइजर्स हैदरावादलाई ७ विकेटले सहजै पराजित गरेको छ ।

चेन्नाईको जितमा बलिङमा जडेजाले उत्कृष्ट प्रदर्शन गर्दै ३ विकेट लिए । ब्याटिङमा डेभोज कनवेले ७७ रन बनाए ।

चेन्नाईले घरेलु मैदान एम ए चितम्बरम स्टेडियममा हैदराबादले दिएको १३५ रनको १८.३ ओभरमा ३ विकेट गुमाएर पूरा गर्यो । चेन्नाईका लागि ओपनर डेभन कन्वेले ५७ बलमा १२ चौका र १ छक्क प्रहार गरी ७७ रन बनाए । अर्का ओपनर रुतुराज गायकवाडले ३० बलमा ३५ रन बनाए ।

हैदराबादका लागि मांयक मारकन्डेले २ विकेट लिए ।