उदयपुर – उदयपुरमा लागुऔषध गाँजासहित एक पुरुषलाई प्रहरीले पक्राउ गरेको छ। पक्राउ पर्नेमा जिल्लाको रौतामाई गाउँपालिका-८ का ४९ वर्षीय डिकबहादुर लुङ्गेली मगर रहेका छन् ।

गाँजाको ओसार पोसार भइरहेको भन्ने विषेश सूचनाको आधारमा मगरलाई बिहिबार दिउँसो गाइघाट बजारबाट पक्राउ गरेको जिल्ला प्रहरी कार्यालय उदयपुरले जनाएको छ।

मगरको साथबाट प्रहरीले ८ केजी ५८१ ग्राम गाँजा बरामद गरेको छ। पक्राउ परेका मगरको सम्बन्धमा थप अनुसन्धान भइरहेको उक्त कार्यालयले जनाएको छ।