काठमाडौं- राष्ट्रपति रामचन्द्र पौडेलले वर्षा र सहकालका देवता रातो मच्छिन्द्रनाथको भोटो जात्रा अवलोकन गरेका छन् ।

राष्ट्रपति पौडेलले जाउलाखेलमा बिहीबार अपराह्नमा आयोजित भोटोजात्रामा सरिक भइ भोटोजात्रा अवलोकन गरेका हुन् ।

राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्डसहित विशिष्ट व्यक्ति तथा सर्वसाधारणको उपस्थितिमा बिहीबार अपरान्ह रातो मत्स्येन्द्रनाथको भोटो देखाइएको हो। 

ललितपुरको जावलाखेलमा रातो मत्स्येन्द्रनाथको भोटो गुठी संस्थान, ललितपुर कार्यालयका प्रतिनिधिले देखाउने चलन छ ।