विराटनगर-पूर्वाञ्चल विश्वविद्यालय सेवा आयोगका अध्यक्ष महेश दाहालमाथि मोसो दलेर दुर्व्यवहार गर्ने नेपाल विद्यार्थी संघ (नेविसंघ) मोरङ जिल्ला सभापति सरोज पोखरेल पक्राउ परेका छन्।

जिल्ला प्रहरी कार्यालय सुनसरीले सभापति पोखरेललाई दुहबीबाट बुधबार मध्यान्हमा पक्राउ गरेको डिएसपी राजकुमार राईले जानकारी दिनु भयो ।

सभापति पोखरेल लगायतले विश्वविद्यालयमा अराजकता भएको भन्दै सेवा आयोगका अध्यक्ष दाहालमाथि सोमबार मोसो दलेर दुर्व्यवहार गरेका थिए। सुनसरीको तरहरास्थित निवासमै पुगेर दाहालमाथि दुर्व्यवहार गरेका थिए। 

दुर्व्यवहार गरेपछि अध्यक्ष दाहालले सभापति पोखरेललगायत नेविसंघका कार्यकर्ताविरूद्ध जाहेरी दिनु भएको थियो । प्रहरीले पक्राउ परेका पोखरेलबाट अन्यको खोजी गरिरहेको डिएसपी राईले बताउनु भयो ।