काठमाडौँ-आगामी तीन दिन देशका नदीनालामा पानीको बहाव बढ्ने मौसम पूर्वानुमान महाशाखाले जनाएको छ । 

महाशाखाका अनुसार अर्घाखाँची, रुपन्देही, कपिलवस्तु, दाङ, सल्यान, बाँके, कैलाली, कञ्चनपुर, डडेलधुरा र बैतडीका नदीमा पानीको बहाव बढ्ने छ ।  

यी जिल्लामा नदीमा पानीको बहाव बढ्ने भएकाले सो क्षेत्रमा बाढीको जोखिम रहेकाले तटीय क्षेत्रहरूमा सतर्कता अपनाउन महाशाखाले आग्रह गरेको छ । 

यस्तै, अबका तीन दिन देशका अधिकांश प्रमुख तथा मझौला नदीहरूमा बहाव सतर्कता तहभन्दा तलै रहने महाशाखाले जनाएको छ ।