काठमाडौँ–नेकपा एमालेका अध्यक्ष केपी शर्मा ओलीले नेपाली राष्ट्रिय क्रिकेट टिमलाई प्रोत्साहन गर्नुभएको छ । हिजो भएको समूह चरणको आफ्नो खलेमा नेपाल नेदरल्यान्ड्ससँग सात विकेटले पराजित भएको हो । 

नेपाल नेदरल्यान्ड्ससँग पराजित भएसँगै एकदिवसीय विश्वकप छनोटबाट बाहिरिएको छ । एकदिवसीय विश्वकपबाट बाहिरिएको नेपाली नेपाली राष्ट्रिय क्रिकेट टिमलाई अध्यक्ष ओलीले निराश नहुन पनि आग्रह गर्नुभएको छ । 

उहाँले लेख्नुभएको छ,’आइसीसी एक दिवसीय क्रिकेट विश्वकपमा सहभागी हुन त हामीले पाएनौँ । मेहनत जननी हो भने परिणाम शीशु। कहिलेकाहीँ मेहनतका बाबजुद पनि परिणाम प्राप्त नहुन सक्छ । यसबाट निराश हुनु हुँदैन । परिणाम हामीले सोचेजस्तो नभए पनि नेपाली टिमको मेहनत कमजोर थिएन । मेहनतका लागि धन्यवाद नेपाली क्रिकेट टिम ! नेपाल फर्केपछि सँगसँगै खाना खानेगरि भेटौँला। एउटा असफलता यात्राको अन्त्य होइन, हाम्रो यात्रा जारी छ।’

नेपालले अब प्लेअफ चरणको खेल खेल्नेछ ।