काठमाडौँ-नेकपा एमालेबाट केशव स्थापितले बिदा लिनुभएको छ । हिजो बसेको केन्द्रीय समितिको बैठकले स्थापितसहित दुई केन्द्रीय सदस्यलाई बिदा गरेको हो ।
एमालेले स्थापित र केन्द्रीय सदस्य प्रमोद नारायण यादवलाई बिदा दिने निर्णय गरेको बताइएको छ ।
एमालेका अनुसार स्थापित र यादवले पार्टी नेतृत्वलाई भेटेर कार्यकारी भूमिकाबाट बिदा लिन चाहेको बताउनुभएको थियो । त्यसपछि उहाँहरूको राजीनामा स्वीकृत गरिएको हो ।
उहाँ २०७९ वैशाखको स्थानीय तहको निर्वाचनमा काठमाडौँ महानगरपालिकाको मेयरमा पराजित हुनुभएको थियो ।
यसअघि २०५४ सालमा एमालेबाट काठमाडौँ महानगरपालिकाको मेयर निर्वाचित हुनुभएका उहाँ पूर्वराजा ज्ञानेन्द्र शाहको प्रत्यक्ष शासनकालमा पुनः मेयरमा मनोनीत हुनुभएको थियो ।
यस्तै बैठकले पार्टीको अर्थ तथा योजना विभागको सचिवमा युवा संघकी पूर्व उपाध्यक्ष क्रान्ति बुर्लाकोटीलाई मनोनीत गरेको छ ।
प्रतिक्रिया