काठमाडौँ–नेकपा एमालेले संसद् अवरोध जारी राख्ने भएको छ । आज बस्ने प्रतिनिधिसभा बैठकमा अवरोध गर्ने एमालेले जनाएको हो ।
एमाले सचेतक महेश बर्तौलाले सरकारले सुन तस्करी प्रकरणको छानबिन गर्न उच्चस्तरीय समिति गठन नगरे संसद् अवरोध जारी राख्ने बताउनुभयो । उहाँले संसद्को अवरोध जारी राख्ने वा खुलाउने सरकारमा भर पर्ने बताउनुभयो । यहाँले सरकारले चाहेमा संसद्को अवरोध आजै खुल्ने जनाउनुभयो ।
सरकारले भुटानी शरणार्थी प्रकरणको छानबिन गर्ने प्रहरीको सरुवा गरेको भन्दै एमालेले आपत्ति जनाएको छ ।
एमाले सचेतक बर्तौलाले सरकारले शरणार्थी प्रकरणको छानबिन गर्ने प्रहरीको सरुवा गरेर राम्रो नगरेको बताउनुभयो । उहाँले एमाले अब संसदमा झन् कडारुपमा प्रस्तुत हुने बताउनुभयो ।
प्रतिक्रिया