काठमाडौँ-१६औं पुस्तकालय दिवसको अवसरमा काठमाडौँ उपत्यका सार्वजनिक पुस्तकालय, भृकुटीमण्डपमा रक्तदान कार्यक्रम सम्पन्न भएको छ।

१६औं पुस्तकालय दिवसको अवसरमा शैक्षिक तथा सामाजिक क्रियाकलाप उपसमितिको आयोजनामा रक्तदान कार्यक्रममा गरिएको प्रचार-प्रसार समितिका संयोजक राजेन्द्रप्रसाद पाण्डेयले जानकारी दिनुयो।

१६ जनाले रक्तदान गर्नुभएको उक्त कार्यक्रममा पुस्तकालयकर्मी, सरकारी कर्मचारी, युवा, बुद्धिजीवी लगायतको उपस्थिति रहेका थियो।

२०८० साल साउन २२ गते शिक्षा, विज्ञान तथा प्रविधि मन्त्रालयका सचिव सुरेश अधिकारीको अध्यक्षतामा सोह्रौं पुस्तकालय दिवस, २०८० भब्य रूपमा मनाउनका लागि विभिन्न उपसमिति गठन गरिएको थियो।

१६ औं पुस्तकालय दिवसको अवसरमा देशभरका पुस्तकालयले विभिन्न कार्यक्रम गरेर पुस्तकालय दिवस मनाइरहेका छन्।