काठमाडौँ–नेकपा एमालेका अध्यक्ष केपी शर्मा ओलीले एसिया कप क्रिकेट खेल्ने नेपाली टोलीलाई शुभकामना दिनुभएको छ । सामाजिक सञ्जाल फेसबुकमा नेपाली टोलीको अभ्यास खेल खेलिरहेको भिडियो पोष्ट गर्दै अध्यक्ष ओलीले शुभकामना दिनुभएको हो । 

उहाँले लेख्नुभएको छ, ‘र, प्रतीक्षाको घडी समाप्त भएको छ । नेपाली  टिमले  आज पहिलो पटक एसिया कप खेल्दैछ । यसका लागि हामी सबै  नेपालीले लामो समयदेखि सपना देखेका थियौँ । विश्वको नम्बर वान क्रिकेट टिम पाकिस्तानसँगको म्याचमा जितका लागि शुभकामना !’

आज उद्घाटन खेल नेपालले पहिलो वरियताको पाकिस्तानसँग खेल्दैछ । खेल पाकिस्तानको मुल्तान क्रिकेट मैदानमा दिउँसो सवा ३ बजे सुरु हुनेछ ।  नेपालले आफ्नो क्रिकेट इतिहासमा पहिलो पटक विश्व वरियताको नम्बर–१ टोली पाकिस्तानसँग खेल्न लागेको हो ।