काठमाडौँ–नेकपा एमालेका अध्यक्ष केपी शर्मा ओलीले एसिया कप खेलेको नेपाली क्रिकेट टिमलाई सान्त्वना दिनुभएको छ । हिजो भएको खेलमा भारतसँग पराजित भएको टिमलाई अध्यक्ष ओलीले सान्त्वना दिनुभएको हो । 

उहाँले लेख्नुभएको छ,’बधाई हामी सबैलाई !!, हिजो भारतसँगको खेल भावनात्मक रूपमा हामीले जितेका हौं । प्राविधिक रूपमा हाम्रो जित प्रमाणित हुन सकेन । हाम्रा खेलाडी ट्रफी नभए पनि आत्मविश्वास लिएर फर्किने छन् ।’ 

भारतसँग पराजित भएसँगै नेपाल एसिया कपबाट बाहिरिएको छ । यसअघि नेपाल पाकिस्तानसँग पराजित भएको थियो । समूह चरणमा दुवै राष्ट्रसँग पराजित नेपाल अब स्वदेश फर्किने भएको छ ।