काठमाडौँ-नेकपा एमालेका सांसद गोकुल बाँस्कोटाले सरकारको कुटनीतिक कमजोरी छताछुल्ल भएको बताउनु भएकाे छ।

प्रतिनिधिसभाको सोमबारको बैठकमा बोल्दै बाँस्कोटाले इजरायलमा हमासको आक्रमण परे १० नेपाली विद्यार्थीले ज्यान गुमाएको तथा कतिपय संकटमा फसेकाहरुलाई उद्धारमा भएको ढिलाइले सरकारको कुटनीति छताछुल्ल भएको बताउनु भएको हाे। 

‘सरकारको कुटनीति छताछुल्ल पोखिएको छ। प्रधानमन्त्री भिडियो कल गरेर लोकप्रिय काम गद्र्यै हुनुहुन्छ’ उहाँ भन्नुभयो, ‘समवेदना । तर त्यहाँ संकटमा फसेका नेपालीहरुको चाहाना तत्काल स्वदेश फकाईयोस् भन्नेछ।’

उहाँले इजरायलले पुरै युद्धको घोषणा गरेको भन्दै त्यहाँ रहेका सबै नेपालीहरुलाई तत्काल नेपाल फर्काउन र उपचारको व्यवस्था गर्न माग गर्नुभयो। आकस्मिक समयमा बोल्ने अधिकांश सांसदहरुले इजरायलमा संकटमा परेका नेपालीहरुको तत्काल उद्धार गर्न सरकारको ध्यानाकर्षण गराउनु भएको छ।