काठमाडौँ–फिपा विश्वकप २०२६ को छनोट खेलमा नेपालले आज लाओसविरुद्ध खेल्ने भएको छ । आज साँझ दशरथ रंगशालामा नेपाल र लाओसबीच पहिलो  खेल हुन लागेको हो ।  

नेपाल असोज ३० मा दोस्रो लेख खेल्न लाओस जानेछ ।

यी हुन् नेपाली टोली

नेपाली टोलीमा किरण चेम्जोङ, दीप कार्की र अभिषेक बराल गोलकिपरका रुपमा रहेका छन् । डिफेन्सका लागि सनिश श्रेष्ठ, अनन्त तामाङ, आशिष गुरुङ, रोहित चन्द, अन्जन राई, आशिष चौधरी, अमृत श्रेष्ठ र एरिक विष्ट रहेका छन् । त्यस्तै, सुदीप गुरुङ, लकेन लिम्बु, आभास लामिछाने, उत्सव राई, कृतिशरत्न छन्जु र मनिष डाँगी मिडफिल्डरका रुपमा रहनेछन् । अन्जन विष्ट, आयुष घले, जिलेस्पेजङग कार्की, दिनेश हेन्जन, हिसुब थपलिया र सन्जिव विष्ट प्रमुख रुपमा गोल गर्ने जिम्मेवारीमा रहने गरी नेपाली फुटबल टिमका प्रमुख प्रशिक्षक भिन्सेन्जो अलवर्टो ऐनिसले बुधबार २३ सदस्यीय टिमको घोषणा गरेका छन् ।