काठमाडौँ–क्रिकेटर सन्दीप लामिछानेले त्रिकोणात्मक टी–२० श्रृखला नखेल्ने घोषणा गर्नुभएको छ । उहाँले आगामी कात्तिक १ गतेदेखि हुने त्रिकोणात्मक सिरिज प्रतियोगिताबाट नाम फिर्ता लिने बताउनुभएको हो ।  

कात्तिक १ गतेदेखि नेपाल, यूएई र हङकङ सम्मिलित त्रिकोणात्मक सिरिज हुँदैछ । आफू कठिन परिस्थितिबाट गुज्रिरहेको भन्दै उहाँले खेलमा सहभागी नहुने जानकारी दिनुभएको हो । 

उहाँले सामाजिक सञ्जालमा लेख्नुभएको छ,’भारी मनका साथ आगामी प्रतियोगिताबाट नाम फिर्ता लिने निर्णय गरेको छु । म मेरो जीवनको कठिन र चुनौतीपूर्ण समयहरूबाट गुज्रिरहेको छु र मैले आफूलाई पुनर्जीवित गर्न आवश्यक छ । परिवारलाई समय दिन चाहिन्छ भन्ने महसुस गरेको छु । मैले अहिलेसम्म पाएका सबै आशीर्वाद र शुभकामनाहरूका लागि म कृतज्ञता व्यक्त गर्न चाहन्छु। अर्को भेट नभएसम्म सबैलाई धन्यवाद।’