काठमाडौँ–राष्ट्रपतिबाट संविधान दिवसका दिन कैद मिनाहा पाएर जेलमुक्त भएका एक जना फेरि पक्राउ परेका छन् । पक्राउ पर्नेमा रुकुम पश्चिमको सानीभेरी गाउँपालिका–९ का लोकेन्द्र भनिने लोकबहादुर विक रहेका छन् । उनले आफ्नै प्रेमिकाको हत्या गरेको प्रहरीले जनाएको छ ।

मंगलबार बिहान मुसिकोट नगरपालिका– १ खलङ्गाको सत्कार होटलमा मृत फेला परेकी मुसीकोट–७ साँखकी २७ वर्षीया भावना विकको हत्या आरोपमा उनलाई प्रहरीले फेरि पक्राउ गरेको हो ।  

प्रहरीले घटनास्थलबाट धारिलो चक्कु, चक्कुको खोल, नगद ८५ हजार ८३५ रुपैयाँ र लोकबहादुरको मोबाइल समेत बरामद गरेको छ।

मंगलबार साँझ खलंगास्थित डेराबाट पक्राउ परेका  लोकेन्द्रले भावनाको हत्या गरेको स्वीकार गरेका प्रहरीले बताएको छ ।