काठमाडौँ–सर्लाहीमा मधेस प्रदेशका मन्त्रीको गाडीले ठक्कर दिँदा तीन जना युवा घाइते भएका छन् । बुधबार नयाँरोड बरहथवा सडक खण्डमा पर्ने बरहथवा नगरपालिका ९ मुक्तेश्वर चोकमा सो गाडीले ठक्कर दिँदा स्थानीय युवा घाइते भएका हुन् । 

मधेस प्रदेश सरकारका ऊर्जा, सिँचाइ तथा खानेपानी राज्यमन्त्री शेख अबुल कलाम चढ्ने गाडीले ठक्कर दिएको प्रहरीले जनाएको छ ।

उनीहरु सवार बा४३प १२६३ नम्बरको मोटरसाइकललाई मन्त्रीले चढ्ने गरेको मधेस प्रदेश ०२ ००१ झ ०२४० नम्बरको स्कार्पियो गाडीले ठक्कर दिएको जिल्ला प्रहरी कार्यालय सर्लाहीले जनाएको हो ।

दुर्घटनामा बरहथवा ५ का १८ वर्षीय सुमन महतो, सर्लाहीकै बागमती नगरपालिका १० का १९ वर्षीय अजय महतो र सर्लाहीकै चन्द्रनगर गाउँपालिका ५ का दीपक महतो घाइते भएका प्रहरीले जनाएको छ । घाइते तीन युवालाई स्थानीय अस्पतालमा सामान्य उपचार गरी थप उपचारको लागि वीरगञ्ज लगिएको प्रहरीको भनाइ छ ।