काठमाडौँ–आईसीसी ट्वान्टी–२० विश्वकप एसिया छनोटको सेमिफाइनलमा आज युनाइटेड अरब इमिरेट्स (युएई) र नेपालबीच प्रतिस्पर्धा हुँदैछ । 

खेल मूलपानी क्रिकेट मैदानमा बिहान ११ बजेदेखि सुरु हुनेछ । 

विश्वकप छनोटका लागि दुवै टिमलाई आजको खेल जित्नै पर्ने दबाब छ । युएई समूह ‘बी’ को विजेता र नेपाल समूह ‘ए’ को उपविजेताको रूपमा सेमिफाइनल आएका हुन् । 

नेपालले यसअघि सन् २०१४ मा भएको ट्वान्टी–२० विश्वकप खेलेको थियो । यसअघि गत संस्करणको छनोटमा यूएई बाधक बनेको थियो ।