काठमाडौँ– नेकपा एमालेका अध्यक्ष केपी शर्मा ओलीले नेपाली क्रिकेट टिमलाई शुभकामना दिनुभएको छ । आईसीसी ट्वान्टी–२० विश्वकप एसिया छनोटको सेमिफाइनलमा आज युनाइटेड अरब इमिरेट्स (युएई) सँग खेल्न लागेको नेपाली टिमलाई अध्यक्ष ओलीले जितको शुभकामना दिनुभएको हो । 

खेल मूलपानी क्रिकेट मैदानमा बिहान ११ बजेदेखि सुरु हुँदैछ । अध्यक्ष ओलीले लेख्नुभएको छ,’आज कुरा जित र हारको मात्र होइन, सपनाको हो, हाम्रो लक्ष्यको हो । ट्वान्टी–२० वर्ल्ड कप खेल्ने हाम्रो सपना पूरा हुने दिन । शुभकामना !’ 

विश्वकप छनोटका लागि नेपाललाई आजको खेल जित्नै पर्ने दबाब छ ।