काठमाडौं- नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले कीर्तिपुरस्थित बर्न अस्पतालमा उपचाररत मोरङको उर्लाबारीका घाइतेहरूको स्वास्थ्य अवस्थाबारे जानकारी लिनुभएको छ ।
शुक्रबार कीर्तिपुर अस्पताल पुगेर अध्यक्ष ओलीले उर्लाबारीमा भएको आगलागीबाट घाइते भएकाहरुको स्वास्थ्य अवस्थाबारे जानकारी लिनुभएको हो । उहाँले घाइतेहरुको उपचारमा कुनै कमी हुन नदिन सरकारको ध्यानाकर्षण गराउने बताउनुभयो ।
घाइतेहरुलाई भेटेपछि अध्यक्ष ओलीले अस्पतालको प्रशासन तथा चिकित्सकहरुसँग छलफल गर्नुभएको थियो । त्यसक्रममा उहाँले घाइतेहरुको अवस्था र उपचारबारे जानकारी लिनुभएको थियो ।
कात्तिक २६ गते मोरङको उर्लाबारी-७ बरगाछीस्थित दीपक कार्कीको घरमा आगलागी हुँदा निभाउन गएका ३० भन्दा बढी घाइते भएका थिए । तीमध्ये २५ जनालाई थप उपचारका लागि काठमाडौं ल्याइएको थियो ।
प्रतिक्रिया