काठमाडौँ–नेपाली बजारमा आज सुनको मूल्यले नयाँ रेकर्ड कायम गरेको छ । हिजो र आज दुवै दिन सुनको मूल्यले नयाँ रेकर्ड बनाएको हो ।   

नेपाल सुनचाँदी व्यवसायी महासंघका अनुसार तोलामा ३०० रुपैयाँले वृद्धि भएर आज छापावाल सुनको मूल्य प्रतितोला १ लाख १७ हजार ७०० रुपैयाँमा कारोबार भइरहेको छ । यस्तै तेजावी सुन तोलामा १ लाख १७ हजार १५० रुपैयाँमा कारोबार भइरहेको छ ।

आज चाँदीको मूल्य भने स्थिर रहेको छ । चाँदीको मूल्य सोमबार तोलामा १५ रुपैयाँले बढेर प्रतितोला १ हजार ५०० रुपैयाँमा कारोबार भएकोमा आज पनि सोही मूल्य कायम भएको हो ।