काठमाडौँ–नेकपा एमालेको मध्यपहाडी लोकमार्ग यात्रा अन्तर्गत सुदूरपश्चिमको यात्रा सकिएको छ । यही मंसिर १४ गते बैतडीको झुलाघाटमा अध्यक्ष केपी शर्मा ओलीले उद्घाटन गर्नुभएको थियो ।

सो यात्रा बैतडी हुँदै, डडेल्धुरा, डोटी र अछाम पुगेर दैलेख प्रवेश गरेको हो । चार दिनको यात्रामा एमालेले ३०५ किलोमीटर पार गरेको छ । 

सम्बन्ध स्थानीय, सन्देश राष्ट्रिय नारासहित सुरु भएको यात्रा आजदेखि कर्णाली पुगेको हो । कर्णाली प्रदेशको दैलेखमा आज हुने आमसभालाई अध्यक्ष ओलीले सम्बोधन गर्ने कार्यक्रम रहेको छ । 

झुलाघाटबाट सुरु भएको एमालेको यात्रा चिवाभञ्ज्याङ पुगेर सकिनेछ ।