काठमाडौँ–समृद्धिका लागि संकल्प यात्राका लागि चार दिनअघि सुदूरपश्चिमको बैतडीबाट हिँडेको टोली आजदेखि कर्णाली प्रदेश प्रवेश गर्दैछ । अहिले केहीबेरमा अछामबाट अध्यक्ष केपी शर्मा ओलीसहितको केन्द्रीय नेतृत्व दैलेखको राकममा आइपुग्दैछ । अछामबाट आउँदा कर्णाली तरेपछि सुदूरपश्चिम प्रदेश सकिएर कर्णाली प्रदेश सुरु हुन्छ । 

टोलीले  सुदूरपश्चिमका बैतडी, डडेलधुरा, डोटी र अछाम गरी चारवटा जिल्लामा ३ सय ५ किलोमिटर यात्रा गरेको छ । अध्यक्ष ओलीले सुदूरपश्चिमको यात्रामा साथ दिने सबैलाई सामाजिक सञ्जाल मार्फत धन्यवाद ज्ञापन गर्नुभएको छ । कर्णाली प्रदेशका चार जिल्लामा आजबाट चार दिनसम्म अर्थात् २० मंसिरसम्म यात्रा टोली रहनेछ । 

कर्णाली प्रदेशका कार्यक्रम के के छन् ?

कर्णालीमा एमालेले जनतासँग भेटघाट, अवलोकन भ्रमण, उद्योगी, व्यापारी, बुद्धिजीवीसँग छलफल, पार्टीका सभाहरुको आयोजना गर्ने भएको छ ।