पर्वत-नेकपा एमालेका अध्यक्ष केपी शर्मा ओलीले एक पटक फ्याँकिसकेको राजतन्त्र अब देशमा नफर्किने ठोकुवा गर्नुभएको छ।

मध्यपहाडी लोकमार्ग केन्द्रित ‘झुलाघाट-चिवाभञ्ज्याङ समृद्धिको लागि संकल्प यात्रा’ का क्रममा आज पर्वतको कुश्मामा सन्देश सभालाई सम्बोधनका क्रममा अध्यक्ष ओलीले यस्तो बताउनु भएको हाे।

अध्यक्ष ओलीले अहिले प्रतिगामी शक्ति छटपटाउन थालेको पनि बताउनु भयो। उहाँले भन्नुभयो, ‘म भन्न चाहन्छु-राजतन्त्रको सबैभन्दा निरंकुशकालमा संघर्ष गरेर, जेलनेल खपेर अनेक गरेर जनताले राजतन्त्र फ्याँकेका छन्। २०६५ साल फेरि आउँछ र ? त्यो सम्भव छैन। २०६५ साल अब फर्कन्न। कसैले चाहँदैमा अब राजतन्त्र फर्किंदैन। त्यसैले कुनै हालतमा राजतन्त्र फर्किदैन।’