काठमाडौँ–संघीय संसद्अन्तर्गतको संसदीय सुनुवाइ समितिको बैठक आज बस्दैछ । बैठक सिंहदरबारस्थित सार्वजनिक लेखा समितिको सभाकक्षमा बिहान ११ बजे बस्ने भएको हो ।

बैठकमा सर्वोच्च अदालतका प्रस्तावित न्यायाधीशद्वय महेश शर्मा पौडेल र टेकप्रसाद ढुंगानाको सुनुवाइ हुने कार्यसूची रहेको संसद् सचिवालयले जनाएको छ । 

संसदीय सुनुवाइ समितिबाट नाम अनुमोदन भएमा उनीहरूको नियुक्ति हुनेछ । यसअघि सारंगा सुवेदी र अब्दुल अजीज मुसलमानको सुनुवाइ भएको थियो ।