काठमाडौँ– नेकपा एमाले मध्यपहाडी राजमार्ग केन्द्रित अभियानपछि अब हुलाकी राजमार्ग केन्द्रित यात्रा गर्ने भएको छ । आज विराटनगरमा आयोजित पत्रकार सम्मेलनमा एमाले महासचिव शंकर पोखरेलले मध्यपहाडीपछि अब हुलाकी राजमार्ग केन्द्रित यात्रा गर्ने जानकारी दिनुभएको हो ।
उहाँले भन्नुभयो, ‘मध्यपहाडी यात्रा अभूतपूर्व रुपमा सफल भयो, यसबाट हामी उत्साहित छौँ । अब पार्टीले हुलाकी राजमार्ग केन्द्रित यात्रा गर्ने निर्णय गर्छ ।’ हुलाकी राजमार्ग केन्द्रित यात्राको मिति तय नभएको उहाँले जानकारी दिनुभयो ।
महासचिव पोखरेलले झुलाघाट–चिवाभञ्ज्याङ यात्रा सफल भएको बताउनुभयो । यात्राका क्रममा एमाले र पार्टी अध्यक्ष केपी शर्मा ओलीप्रति अभूतपूर्व क्रेज देखिएको उहाँले बताउनुभयो ।
एमालेले गत मंसिर १४ गतेदेखि पुस ३ गतेसम्म बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी राजमार्ग केन्द्रित अभियान चलाएको थियो ।
प्रतिक्रिया