काठमाडौँ-प्रिमियर लिगमा चेल्सीको खराब प्रदर्शन जारी रहँदा आइतबार वल्भ्ससँग २-१ ले पराजित भएको छ ।

वल्भ्सले आफ्नै मैदानमा भएको खेलमा ५१औँ मिनेटमा मारियो लेमिनाको गोलबाट अग्रता लिएको थियो । इन्जुरी टाइमको तेस्रो मिनेटमा म्याट डोहोर्टीले गोल गर्दै वल्भ्सको अग्रता दोब्बर पारे ।

चेल्सीका वैकल्पिक खेलाडी क्रिस्टोफर एनकुन्नुकले इन्जुरी टाइमको छैटौँ मिनेटमा एक गोल फर्काएपनि हार टार्न पर्याप्त हुन सकेन ।

चेल्सीले सन् २००० यता लिगमा अवे मैदानमा लगातार चार खेल हारेको पहिलो पटक हो ।

यस सिजन आठौँ हारपछि चेल्सी १८ खेलबाट २२ अंकसहित दशौँ स्थानमै छ । वल्भसको पनि समान २२ अंक नै छ । तर गोल अन्तरमा चेल्सीभन्दा पछि रहँदै ११औँ स्थानमा छ ।