काठमाडौँ–बाराको बाल एकता बोर्डिङ स्कुलका प्रिन्सिपल रूपेश स्वर्णकारको हत्याका मुख्य आरोपी सुटर सुजित सिंह पक्राउ परेका छन् । बारा प्रहरीले हिजो साँझ सिंहलाई छतवा मुसहर्वा नाकाबाट नियन्त्रणमा लिएको हो ।

प्रहरी स्रोतका अनुसार सिंह भाग्न खोज्दा गोली  प्रहार गरिएको थियो । खुट्टामा गोली लागेपछि  प्रहरीले उनलाई पक्राउ गर्न सफल भएको हो । 

गत कार्तिक १३ गते दुई मोटरसाइकलमा रहेका चार जनाले गोली चलाउँदा प्रिन्सिपल स्वर्णकार घाइते हुनुभएको थियो । उपचारका लागि वीरगञ्ज लगे लगत्तै उनको मृत्यु भएको थियो ।

प्रिन्सिपल स्वर्णकारको हत्या आरोपमा बाराको कलैयाका २ की राधा गुप्ता, जाबेर अख्तर, चन्दन यादव, रियाज अन्सारी र अभिनव कुमार सिंह थुनामा छन् ।