काठमाडौं-नेकपा एमाले गण्डकीले राष्ट्रियसभा निर्वाचनको लागि ९ जना आकांक्षीहरूको नाम केन्द्रीय कमिटीमा पठाएको छ।
एमाले गण्डकीले बुधबार राष्ट्रिय सभा निर्वाचनका लागि ३ सिटका लागि ९ जनाको नाम सिफारिस गरेको हो।
एमाले गण्डकी प्रदेशका सचिव धनञ्जय दवाडीका अनुसार खुला अर्थात अन्यतर्फ बागलुङका मोहनलाल शर्मा, म्याग्दीकी ममतादेवी शर्मा र स्याङ्जाका चक्रबहादुर पराजुलीलाई सिफारिस गरिएको छ।
अपाङ्ग/अल्पसंख्यकमा कास्कीका मेघराज आचार्य, मुस्ताङका हेमन्त शेरचन, गोरखाकी मिना बरामलाई सिफारिस गरिएको छ भने महिलातर्फ गोरखाकी सम्झना देवकोटा, कास्कीकी सगुन गुरुङ र स्याङ्जाकी इश्वरी सिग्देल अर्याललाई सिफारिस गरिएको छ।
राष्ट्रियसभा निर्वाचन आउँदो माघ ११ गते हुँदैछ। गण्डकीमा तीन क्लस्टरमा निर्वाचन हुनेछ। अन्य, महिला र अपाङ्गतारअल्पसंख्यकमा १/१ गरी तीन पद रिक्त हुँदैछ।
प्रतिक्रिया