काठमाडौँ–फाइनलमा टोउलोसविरुद्ध २–० को जित निकाल्दै पेरिस सेन्ट जर्मन (पीएसजी)ले फ्रेन्च च्याम्पियन्स ट्रफीको उपाधि जितेको छ ।

बुधबार घरेलु मैदान पार्क डेस प्रिन्सेसमा पीएसजीलाई जित दिलाउन ली काङ–इन र काइलियन एमबाप्पेले गोल गरे । पीएसजीले दुवै गोल पहिलो हाफमा गरेको थियो ।

खेलको तेस्रो मिनेटमा नै काङ–इनले गोल गर्दै पीएसजीलाई अग्रतामा राखेका थिए । पहिलो हाफ हुनुभन्दा एक मिनेटअघि एमबाप्पेले गोल गर्दै घरेलु टिमको अग्रता दोब्बर पारे । खेलमा थप गोल भएन र पीएसजीले २–० को जितसहित उपाधि उचाल्यो ।

लिग वानको शीर्ष स्थानमा आसीन पीएसजीले अब सोमबार फ्रेन्च कपको अन्तिम–६४ मा रेवेलविरुद्ध खेल्नेछ । त्यसपछि लुइस एनरिकेको टिमले जनवरी १५ मा लिग वानअन्तर्गत लेन्सविरुद्ध खेल्नेछ ।–एजेन्सी