काठमाडौँ–त्रिभुवन विश्वविद्यालय (त्रिवि)को उपकुलपतिका लागि दरखास्त आह्वान गरिएको छ । 

त्रिविको उपकुलपति नियुक्तिका  लागि नाम सिफारिसका गर्न गठित छनोट तथा सिफारिस समितिले आज एक सूचना जारी गर्दै उपकुलपति नियुक्तिका लागि दरखास्त आह्वान गरेको हो । 

योग्यता पुगेका इच्छुक नेपाली नागरिकले शिक्षा, विज्ञान तथा प्रविधि मन्त्रालयमा कार्यालय समयभित्र दरखास्त पेस गर्नुपर्ने छ ।

दरखास्तमा शैक्षिक, वैयक्तिक विवरणसहित सोचपत्र, चार वर्षे व्यावसायिक कार्ययोजना बुझाउनुपर्ने छ । त्रिविका उपकुलपति डा धर्मकान्त बास्कोटाको कार्यकाल कात्तिक १८ गते सकिएको थियो। यसअघि त्रिविमा राजनीतिक भागबण्डाका आधारमा उपकुलपति नियुक्ति हुने गरेको थियो ।