काठमाडौँ–जारी एसियन कपमा दक्षिण कोरिया र जोर्डन बराबरीमा रोकिएका छन् । समूह ’इ’ अन्तर्गत शनिबार सम्पन्न खेलमा दक्षिण कोरिया र जोर्डन २–२ गोलको बराबरीमा रोकिएका हुन् ।

दक्षिण कोरियाले ९१औँ मिनेटमा गोल गर्दै यस खेलमा हारबाट बचेको थियो । दक्षिण कोरियाको बराबरी गोल भने जोर्डनका याजन अल अरबले आत्मघाती गोल गरेका थिए । 

यसअघि दक्षिण कोरियाका लागि सन् हेंग मिनले खेलको नवौं मिनेटमा नै पेनाल्टी मार्फत गोल गर्दै सुरुवात अग्रता दिलाएका थिए । १–० ले पछि परेको जोर्डनले खेलमा कमब्याक गर्दै पहिलो हाफमा २–१ को अग्रता बनाएको थियो ।

जोर्डनका लागि एक गोल याजन अल नियामतले गरेका थिए भने अर्को गोल दक्षिण कोरियाका पार्क योंग यूले आत्मघाती गोल गरेका थिए । यो बराबरीपछि जोर्डन र दक्षिण कोरियाको समूह ‘इ’ मा २–२ खेलमा ४–४ अंक भएको छ र समूहमा पहिलो र दोस्रो स्थानमा रहेका छन् । 

अब समूह चरणको अन्तिम खेलमा आगामी बिहीबार दक्षिण कोरियाले मलेसियाको सामना गर्ने छ भने जोर्डनले बहराइनको सामना गर्नेछ ।