काठमाडौँ–२०८० सालको माध्यमिक शिक्षा परीक्षा (एसईई)को तालिका सार्वजनिक भएको छ । 

तालिका अनुसार आगामी चैत १५ गते अनिवार्य अङ्ग्रेजी, दोस्रो दिन १६ गते अनिवार्य नेपाली विषयको परीक्षा हुनेछ ।

चैत १८ गते अनिवार्य गणित र २० गते अनिवार्य विज्ञान विषयको परीक्षा हुनेछ । यस्तै चैत २१ गते सामाजिक अध्ययन र २२ गते ऐच्छिक प्रथम पत्रका सबै विषयको परीक्षा हुनेछ ।

चैत १५ गतेदेखि २७ गतेसम्म सञ्चालन हुने परीक्षा बिहान ८ बजे ११ बजेसम्म चल्ने राष्ट्रिय परीक्षा बोर्डले जनाएको छ ।