काठमाडौँ– यू–१९ विश्वकप क्रिकेट अन्तरगत नेपालले आफ्नो दोस्रो खेल आज पाकिस्तानसँग खेल्ने भएको छ ।  

इस्ट लन्डनस्थित बफ्यालो पार्कमा नेपाली समयअनुसार दिउँसो १ः४५ बजे खेल हुनेछ ।

यसअघि पहिलो खेलमा नेपाल न्यूजिल्यान्डसँग पराजित भएको थियो भने पाकिस्तानले अफगानिस्तानलाई हराएको थियो ।

यसअघि यू–१९ क्रिकेट विश्वकपमा नेपाल र पाकिस्तानबिच तीन पटक खेल भएका छन् । तीमध्ये एक खेल पूरा हुन सकेन भने एक खेलमा नेपाल तथा एक खेलमा पाकिस्तानले जीत हात पारेको थियो ।