काठमाडौं -नेकपा एमालेको जारी केन्द्रीय कमिटीको बैठकमा एनआइसी एशिया बैंक डुब्न लागेको विषयमा अध्यक्ष केपी शर्मा ओलीले चासो राख्नु भएको छ । बैंकको नाम नलिइ उहाँले बैंक डुब्न लागेको हल्ला चलाएर देशको अर्थतन्त्र धरासशायी बनाउन केही व्यक्तिहरु लागि परेको बताउनुभएको छ ।
देशैभरीबाट आएका करिब ३ सय केन्द्रीय सदस्यलाई सम्बोधन गर्दै अध्यक्ष ओलीले अर्थतन्त्रलाई धरासशायी बनाउन केही व्यक्तिहरुले नियोजित रुपमा बैंक डुब्न लागेको हल्ला मच्चाएको बताउनुभयो ।
सम्बोधनका क्रममा अध्यक्ष ओलीले केही व्यक्तिहरुलाई बैंक डबुन्, सबै परियोजनाहरु धराशायी हुन् र अर्थतन्त्र कोल्याप्स होओस भन्ने चाहना राखेको बताउनुभयो । देशको अर्थतन्त्र नै धराशायी बनाउन खोज्ने तत्हरुप्रति सरकार मौन रहनु अचम्म भएको उहाँको भनाइ छ । अध्यक्ष ओलीले अर्थतन्त्र उकास्नेतर्फ वर्तमान सरकारको कुनै सोच नभएको बताउनुभयो ।