काठमाडौँ-नेकपा एमाले सांसद योगेश भट्टराईले सार्क र विमस्टेकलाई सँगसँगै अघि बढाउन सरकारले पहल गर्नुपर्ने बताउनु भएको छ।

सोमबार प्रतिनिधिसभामा आफ्नो धारणा राख्दै सांसद भट्टराईले सार्क र विमस्टेक एक अर्कामा निषेध गर्ने ढङ्गले आएको भन्दै त्यसो गर्न नहुने बताउनु भएको हो।

भट्टराईले भन्नुभयो, ‘सार्क र विमस्टेक एक अर्कामा निषेध गर्नेजस्तो ढङ्गले आएको छ। यसमा हामी जोगिनुपर्दछ। भूराजनीतिक जटिलता, सङ्घर्ष र तनावहरू दक्षिण एसियामा जसरी उत्पन्न भइरहेका छन्। यी तनावहरूबाट मुक्त हुँदै नेपालले अन्तर्राष्ट्रिय संघ संस्थाहरूमा आफ्नो संलग्नता देखाएको छ। यसबाट आर्थिक लगायत अन्य प्रगतिमा अघि बढाउनुपर्छ।’