प्रभु बैंक लिमिटेडका ग्राहक तथा कर्मचारीहरुले चिरायु नेशनल हस्पिटल एन्ड मेडिकल इन्स्टिच्युट प्रालिमा विशेष छुट पाउने भएका छन्। 

उक्त अस्पताल काठमाडौंको बसुन्धरामा छ। अस्पताल र बैंकबीच भएको सम्झौताअनुसार उक्त छुट पाइने भएको हो। 

सम्झौतामा अस्पतालका निर्देशक सञ्जीव राजभण्डारी र बैंकका प्रमुख बजार व्यवस्थापन अधिकृत रविन्द्र ढकालले हस्ताक्षर गरेका छन्। 

छुट सुविधा प्राप्त गर्न बैंकका ग्राहकले प्रभु बैंकको मान्य डेबिट कार्ड, क्रेडिट कार्ड तथा प्रिभिलेज कार्डमध्ये कुनै एक चिरायु अस्पतालमा पेस गर्नुपर्नेछ।

सम्झौताअनुसार प्रभु बैंकका सम्पूर्ण ग्राहकहरु, कार्ड प्रयोगकर्ताहरु, कर्मचारी तथा कर्मचारीका पारिवारजनले उपचार सेवा लिँदा अन्तरङ्ग तथा बहिरङ्ग सेवामा ओपीडी टिकटबाहेक रेडियोलोजी, प्याथोलोजी, फार्मेसी, फिजियोथेरापी लगायतका सेवाहरुमा विशेष छुट प्राप्त गर्न सक्नेछन्।