काठमाडौं -संसदमा गृहमन्त्री रवि लामिछानेले विभिन्न काण्डमा आफ्ना पार्टीका नेताहरुलाई आक्षेप गरेपछि नेपाली कांग्रेस संसदीय दल कार्यसमिति र संसदीय दलको बैठक आज विहान बस्दैछ ।
संसदीय दल कार्यसमितिको बैठक बिहान साढे ८ बजे संघीय संसद भवनमा र संसदीय दलको बैठक बैठक संघीय संसद भवन नयाँ बानेश्वर, ल्होत्से हलमा ९ बजे बस्दैछ ।आज बस्न लागेको संसद् बैठकमा आफ्नो भूमिकाबारे कांग्रेसले छलफल गर्न लागेको हो । आजै प्रधानमन्त्री पुष्पकमल दाहालले विश्वासको मत लिने कार्यक्रम छ ।
गृहमन्त्रीसमेत रहेका रास्वपा सभापति रवि लामिछाने सहकारी ठगी प्रकरणमा जोडिएको र त्यसबारे छानबिन हुनुपर्ने कांग्रेसले माग राख्दै संसद अवरुद्ध गर्दै आएको छ ।
प्रतिक्रिया